Дониэлл Мален «Рома» сафида А Серияда яна бир гол урди.
27 ёшли Нидерландия терма жамоаси ҳужумчиси 2-тур доирасида «Лечче»га қарши учрашувнинг биринчи бўлимида дубль қайд этди. У 4 ва 23-дақиқаларда гол урди. Биринчи турда эса Дониэлл «Фиорентина»га қарши баҳсда (4:0) хет-трик қайд этган эди.
Шу тариқа, Маленнинг «Рома» сафида А Сериядаги 20 та ўйинда 19 та голи бор. Бу лига тарихидаги иккинчи энг яхши натижа ҳисобланади. Италия чемпионатидаги дастлабки 20 та учрашувида 20 тадан гол урган футболчилар — фақат Гуннар Нордаль («Милан», 1949 йил) ва Жозе Алтафини («Милан», 1958–1959 йиллар).
Эслатиб ўтамиз, нидерландиялик футболчи қишда пойтахт жамоасига қўшилган ва А Сериядаги 18 та учрашувда 14 та гол урган эди. Ёзда римликлар уни «Астон Вилла»дан 25 миллион фунт стерлинг эвазига тўлиқ сотиб олишди.
