Италиянинг «Милан» клуби ярим ҳимоячиси Юссуф Фофана билан хайрлашишга тайёр. Футболчини Паулу Фонсека бошқараётган Франциянинг «Лион» клуби ўз сафига қўшиб олишни истамоқда.
Айнан Фонсека омили Фофананинг қарор қабул қилишида ҳал қилувчи аҳамият касб этган. Франциялик футболчига бошқа клублар ҳам қизиқиш билдирган. Улар орасида «Милан»дан ўйинчиларни жалб қилишга иштиёқманд Туркиянинг «Галатасарой» клуби ҳам бор.
Италиянинг derbyderbyderby.it портали нуфузли журналист Маттео Моретто маълумотларига таяниб, трансфер яқин вақт ичида амалга ошиши кутилаётганини хабар қилди.
Келишув ҳақида расмий эълон сешанба куни қилиниши кутилмоқда. Битимнинг тафсилотлари эса ҳозирча сир сақланмоқда.
