«Эвертон» ҳужумчиси Илиман Ндиайе фаолиятини «Манчестер Сити»да давом эттиради.

«Шаҳарликлар» ва «Эвертон» умумий 65 миллион фунт стерлингга тенг трансферга келишиб олди. Бу ҳақда Фабрицио Романо хабар берди. Клуб футболчининг ўзи билан ҳам шартнома шартларини келишиб олган ва Ндиайе тиббий кўрикдан ўтишга тайёр.

Бен Жейкобснинг аниқлик киритишича, трансфер суммаси 60 миллион фунт стерлинг + 5 миллион фунт бонусдан иборат бўлади.

Ўтган мавсумда Илиман «Эвертон» сафида АПЛнинг 32 та учрашувида 6 та гол урди ва 3 та голли узатмани амалга оширди. Жорий мавсумда эса 2 та ўйинда 1 та ассист қайд этди.