«Барселона» бош мураббийи Ханси Флик ҳужумчи Габриэл Жезуснинг каталониялик клубга эҳтимолий трансфери ҳақида фикр билдирди.

31 август куни бразилиялик футболчи трансферни расмийлаштириш учун Барселонага етиб келган эди. Томонлар Жезуснинг трансфери бўйича келишувга эришган, битим қиймати 10 миллион еврони ташкил этади, яна 4 миллион евро бонуслар сифатида тўланиши мумкин.

«Габриэл — юқори даражадаги ҳужумчи. У жамоага кўп нарса бера олади. У жароҳатидан кейин тикланиш жараёнини бошдан кечирди. Менимча, ҳозир у билан ҳаммаси жойида. У билан гаплашдим.

Менга унинг услуби, қандай ўйнаши ёқади. У бизнинг услубимизга жуда мос келади. Бу ажойиб трансфер. Деку фантастик иш қилди», — деди Ханси Флик.