"Арсенал"дан "Барселона"га ўтишга яқин турган бразилиялик ҳужумчи Габриэл Жезус тиззасининг ҳозирги ҳолати ҳақида гапирди.
"Мен жуда хурсандман. Тиззамга келсак, у айни пайтда аъло ҳолатда. Мен совринлар ютиш ниятидаман", — дея футболчининг сўзларини AS нашри келтиради.
Эслатиб ўтамиз, Жезус хочсимон пайларидан олган жароҳати туфайли узоқ вақт майдондан ташқарида қолган эди.
Габриэл Жезус 2022 йил ёзидан буён "Арсенал" шарафини ҳимоя қилиб келмоқда. Футболчи ва Лондон клуби ўртасидаги амалдаги шартнома 2027 йил июнь ойи охирига қадар мўлжалланган.
Transfermarkt портали мутахассислари бразилиялик ҳужумчининг бозор қийматини 17 миллион евро деб баҳоламоқда.
