"Ливерпуль"нинг янги футболчиси Брэдли Баркола Англияда ўзини яхши томондан кўрсата олишига ишонч билдирмоқда.
"Менинг вазифам "Ливерпуль" ўйинига тезлик ва кескинлик олиб кириш. Менимча, менинг ўйин услубим ва мураббийнинг фалсафаси бир-бирига жуда ўхшаш. Мен инглиз клубларига қарши кўп марта ўйнаганман ва ўз сифатларим Премьер-лигага мос келади, деб ҳисоблайман", — дея Барколанинг сўзларини мерсисайдликлар матбуот хизмати келтиради.
Аввалроқ "Ливерпуль" франциялик футболчининг "ПСЖ"дан трансфер қилинганини расман эълон қилган эди. Миш-мишларга кўра, Баркола "қизиллар" билан 2031 йилга қадар мўлжалланган шартнома имзолаган.
Ҳужумчининг "Ливерпуль" сафидаги дебюти 4 сентябрь куни Англия Премьер-лигаси доирасида "Ипсвич"га қарши сафар учрашувида бўлиб ўтиши мумкин.
