«Арсенал» 2026/27 йилги мавсум стартидаги барча учрашувларда ғалаба қозонди ва ҳозирча ўз дарвозасидан бирорта ҳам тўп ўтказиб юборгани йўқ.

Амалдаги Англия Премьер-лигаси чемпиони 2-тур доирасида сафарда «Астон Вилла»ни 1:0 ҳисобида мағлуб этди. Учрашувдаги ягона голни 59-дақиқада Букайо Сака урди.

Бунга қадар Микель Артета шогирдлари иккита йирик ҳисобдаги ғалабани қўлга киритган эди. «Арсенал» Англия Суперкубоги учун баҳсда «Манчестер Сити»ни 3:0 ҳисобида мағлуб этган бўлса, Премьер-лиганинг 1-турида «Ковентри» устидан ҳам худди шундай — 3:0 ҳисобида зафар қучди.

6 сентябрь куни «Арсенал» Премьер-лиганинг 3-тури доирасида ўз майдонида «Челси»ни қабул қилади.