«Бавария» бош мураббийи Венсан Компани Германия Кубогининг Мюнхен клуби учун қай даражада муҳим экани ҳақида фикр билдирди.
«Бир марта финалда иштирок этганингдан кейин, яна ўша босқичга қайтишни истайсан. Биз мусобақада кетма-кет иккинчи марта ғалаба қозонишни хоҳлаймиз. Бу ҳақда ҳамма орзу қилади. Ҳатто «Оснабрюк» ҳам ушбу турнирда ёрқин лаҳзаларни бошдан кечиришни орзу қилади», — деди Компани журналистларга.
Германия Кубогининг ўтган мавсумдаги финалида «Бавария» «Штутгарт»ни йирик — 3:0 ҳисобида мағлуб этиб, бош совринни қўлга киритган эди.
2 сентябрь куни Венсан Компани шогирдлари мусобақанинг 1/32 финал босқичида «Оснабрюк»га қарши майдонга тушади. Учрашув Тошкент вақти билан соат 23:45 да бошланиши режалаштирилган.
