Мадриднинг «Реал» клуби ярим ҳимоячиси Мануэль Анхель фаолиятини Англияда давом эттиради. Инсайдер Фабрицио Романо ижтимоий тармоқларда хабар беришича, Лондоннинг «Фулхэм» клуби 22 ёшли футболчини трансфер қилиш бўйича келишувга эришди.
Келишувга кўра, «Реал» Анхельнинг эҳтимолий кейинги трансферидан маълум улушга эга бўлади.
22 ёшли футболчи ўтган мавсумда Испания чемпионатида атиги 4 та ўйинда майдонга тушди ва натижадорлик қайд этмади.
Англия Премьер-лигасининг дастлабки икки турида «Фулхэм» икки марта мағлуб бўлди.
