«Монако» ярим ҳимоячиси Александр Головиннинг агенти 30 ёшли россиялик футболчи ёзги трансфер ойнаси ёпилгунга қадар монегасклар сафини тарк этиши мумкинлигини истисно қилмади.

«Сашанинг шартномаси 2029 йилгача амал қилади. Унинг қандай ўйнаётганини кўриб турибсиз. «Марсель»га қарши жуда муҳим ўйин бўлди. Вариантлар ҳар доим бор», — деди агент.

Головин 2018 йилдан буён «Монако» шарафини ҳимоя қилиб келмоқда. У жамоа сафида 270 та ўйин ўтказиб, 40 та гол урди ва 47 та голли узатма амалга оширди.

«Монако» 6 очко билан Лига 1 турнир жадвалида биринчи ўринда бормоқда. Кейинги турда жамоа 4 сентябрь куни сафарда ПСЖга қарши ўйнайди.