«Барселона» бош мураббийи Ханс-Дитер Флик Испания Ла Лигасининг 3-турида «Райо Вальекано» устидан қозонилган ғалабадан сўнг фикр билдирди.

Учрашув каталонияликларнинг 5:2 ҳисобидаги ғалабаси билан якунланди. «Кўк-анорранглилар» сафида Рафинья ва Ламин Ямал иккитадан гол урди. Яна бир гол «Райо Вальекано» ҳимоячисининг ўз дарвозасига тўп киритиб юбориши натижасида қайд этилди.

«Бугун мени хурсанд қилган жуда кўп нарсалар бўлди. Айрим футболчилар жамоага эндигина келган бўлишига қарамай, жуда яхши даражада ҳаракат қилмоқда. Жамоавий руҳ ҳам ажойиб. Айрим вазиятларда ўйинимизни яхшилашимиз керак ва биз бунинг устида ишлаймиз», — дея Фликнинг сўзларини Marca нашри келтиради.

«Барселона» навбатдаги учрашувини 6 сентябрь куни ўтказади. Флик шогирдлари сафарда «Валенсия»га қарши майдонга тушади.