Москванинг «Спартак» клуби «Ницца»нинг 26 ёшли қанот ҳужумчиси Софьян Диопга қизиқиш билдирмоқда. Бу ҳақда «L’Equipe» газетаси хабар берди.
Манбага кўра, Диоп «Спартак»нинг қизиқиши ҳақида хабардор. Бироқ марокашлик футболчининг Россия клубига ижобий жавоб бериш-бермаслиги ноаниқ.
Диоп 2022 йилдан буён «Ницца» шарафини ҳимоя қилиб келмоқда. Янги мавсумда у Франция чемпионатида иккита учрашувда майдонга тушди ва натижали ҳаракатлари билан ажралиб турмади. Ўтган мавсумда эса вингер 46 та ўйинда 10 та гол ва 3 та ассист қайд этган.
