Moskvaning «Spartak» klubi «Nissa»ning 26 yoshli qanot hujumchisi Sofyan Diopga qiziqish bildirmoqda. Bu haqda «L’Equipe» gazetasi xabar berdi.

Manbaga ko‘ra, Diop «Spartak»ning qiziqishi haqida xabardor. Biroq marokashlik futbolchining Rossiya klubiga ijobiy javob berish-bermasligi noaniq.

Diop 2022 yildan buyon «Nissa» sharafini himoya qilib kelmoqda. Yangi mavsumda u Fransiya chempionatida ikkita uchrashuvda maydonga tushdi va natijali harakatlari bilan ajralib turmadi. O‘tgan mavsumda esa vinger 46 ta o‘yinda 10 ta gol va 3 ta assist qayd etgan.