Франция футболи афсонаси Мишель Платини "ПСЖ"ни Чемпионлар лигасида кетма-кет учинчи бор ғолиб чиқиш учун асосий фаворит деб ҳисобламоқда.

"ПСЖ" учинчи юлдузни қўлга киритиши мумкинми? Ҳа, чунки улар фаворит ва сўнгги икки йил давомида ажойиб футбол намойиш этиб келмоқда. "Пари Сен-Жермен"га фақат тасанно айтиш мумкин", — деди Платини.

"ПСЖ" Чемпионлар лигасида кетма-кет уч марта ғолиб чиққан "Реал"дан кейин бундай натижани такрорлаган иккинчи жамоага айланишга ҳаракат қилади. Бироқ бу мақсад сари ҳали узоқ йўл бор.

Шу билан бирга, парижликларнинг Лига 1даги дастлабки ўйинларда кетма-кет дуранг қайд этгани ва Франция Суперкубогида мағлубиятга учрагани жамоа жорий мавсумда энг юқори даражани сақлаб қола оладими, деган саволларни ҳам пайдо қилди.

"ПСЖ" Чемпионлар лигасининг умумий босқичида бу мавсум "Барселона" ва "Манчестер Сити"га қарши ҳам майдонга тушади.