Ўзбекистон Суперлигасида август ойининг энг яхши футболчиси соврини учун номзодлар рўйхати эълон қилинди.

Ойнинг энг яхши ўйинчиси бўлиш учун 5 нафар футболчи даъвогарлик қилмоқда.

"Навбаҳор" ҳужумчиси Ҳусайн Норчаев август ойида 5 та учрашувда майдонга тушиб, 6 та гол урди.

"Сўғдиёна" футболчиси Люпчо Дориев ҳам сермаҳсул ўйин намойиш этди. У 5 та баҳсда 5 та гол ва 3 та голли узатмани ўз ҳисобига ёздирди.

"Локомотив" вакили Суҳроб Нуруллоев 5 та учрашувда 2 та гол урди ва 2 та ассист амалга оширди.

"Бухоро" футболчиси Владимир Родич эса 5 та ўйинда 3 та гол ва 1 та голли узатма қайд этди.

Номзодлар рўйхатидан "Нефтчи" футболчиси Владимир Йовович ҳам жой олган. У август ойида 5 та учрашувда майдонга тушиб, 5 та голли узатмани амалга оширди.