O‘zbekiston Superligasida avgust oyining eng yaxshi futbolchisi sovrini uchun nomzodlar ro‘yxati e’lon qilindi.
Oyning eng yaxshi o‘yinchisi bo‘lish uchun 5 nafar futbolchi da’vogarlik qilmoqda.
"Navbahor" hujumchisi Husayn Norchayev avgust oyida 5 ta uchrashuvda maydonga tushib, 6 ta gol urdi.
"So‘g‘diyona" futbolchisi Lyupcho Doriyev ham sermahsul o‘yin namoyish etdi. U 5 ta bahsda 5 ta gol va 3 ta golli uzatmani o‘z hisobiga yozdirdi.
"Lokomotiv" vakili Suhrob Nurulloyev 5 ta uchrashuvda 2 ta gol urdi va 2 ta assist amalga oshirdi.
"Buxoro" futbolchisi Vladimir Rodich esa 5 ta o‘yinda 3 ta gol va 1 ta golli uzatma qayd etdi.
Nomzodlar ro‘yxatidan "Neftchi" futbolchisi Vladimir Yovovich ham joy olgan. U avgust oyida 5 ta uchrashuvda maydonga tushib, 5 ta golli uzatmani amalga oshirdi.
