«Барселона»нинг янги футболчиси Габриэль Жезус каталониялик клуб уни ҳужум чизиғини кучайтириш учун захира варианти сифатида кўргани ҳақидаги гапларга муносабат билдирди.
«Менинг “Б режа” бўлганимни айтишса, хафа бўлмайман. Мен ўйнамаётганимда ёки ёмон инсон эканимни айтишганда жаҳлим чиқади. Ўн йил олдин ҳам бу ерда бўлишим мумкин эди, аммо ҳаёт мени бошқа йўлдан олиб кетди. Охир-оқибат, барибир бу клуб футболчиси бўлишга эришдим. Мен кўп меҳнат қиламан, ўз имкониятларимни биламан ва меҳнат ҳар доим тақдирланади, деб ҳисоблайман. Ташқаридан нима дейишлари менга барибир», — деди Жезус тақдимот маросимида.
«Барселона» 1 сентябрь куни бразилиялик футболчининг трансферини расман эълон қилди. Ҳужумчи клуб билан 2029 йил ёзига қадар шартнома имзолади.
