Франциянинг «Лион» клуби навбатдаги можаро марказида қолди. Бундан аввал жамоа футболчилари «Бешиктош»га қарши ўйиндан кейинги оммавий жанжалда иштирок этган бўлса, бу сафар воқеа Франция чемпионати доирасидаги «Гавр»га қарши учрашувдан кейин содир бўлди.
Лион яқинидаги Рийё-ла-Пап коммунаси муниципал кенгаши аъзоси Мирьям Бушшеда ўйинни дўсти билан бирга стадионда томоша қилган. Унинг айтишича, учрашувдан сўнг автомобил томон кетаётган пайтда уларга «Лион»нинг радикал мухлисларидан иборат гуруҳ ҳужум қилган.
derbyderbyderby.it маълумотига кўра, ҳужум оқибатида Бушшеда ҳам, унинг дўсти ҳам жароҳат олган.
Айни пайтда полиция ҳужумда гумон қилинаётган шахсларни қидирмоқда. «Лион» клуби эса воқеа юзасидан ички текширув бошланганини маълум қилди.
