Франциянинг «Лилль» клубини бошқараётган Давиде Анчелотти отаси Карло Анчелотти ҳақида фикр билдирди ва ундан доимо миннатдор бўлишини таъкидлади.

«Мен ҳар доим отамга жуда яқин бўлганман. Ҳаммаси 1990-йиллар бошида, у ҳали футболчи бўлган пайтда мени ўзи билан «Миланелло»га олиб борганидан бошланган. Иши қанчалик банд бўлмасин, у доимо ёнимда бўлгани учун ўзимни омадли деб ҳисоблайман. Отам менга буюк чемпионлар билан тўла кийиниш хоналари муҳитини кўриш имконини берди», — дея кичик Анчелоттининг сўзларини pianetamilan.it келтирди.

Эслатиб ўтамиз, Давиде Анчелоттининг мустақил мураббийлик фаолияти ҳозирча у қадар муваффақиятли кечгани йўқ. У Бразилиянинг «Ботафого» клубида беш ой ишлаганидан сўнг истеъфога чиқарилган эди. Ҳозир эса мутахассис «Лилль»да ўзини қайта намоён этишга ҳаракат қилмоқда.