«Манчестер Сити» ҳужумкор ярим ҳимоячиси Жек Грилиш яна «Эвертон» сафида тўп суради.

«Ирискалар» 30 ёшли футболчини ижарага олганини расман эълон қилди. Келишув жорий мавсум охирига қадар мўлжалланган. Эслатиб ўтамиз, англиялик футболчи ўтган мавсумда ҳам Ливерпуль клубида ижара асосида тўп сурган эди.

Жек Грилиш Дэвид Мойес жамоаси сафида 22 та ўйин ўтказиб, 2 та гол урди ва 6 та голли узатмани амалга оширди. Январь ойида у жиддий жароҳат олган ва шу сабабли 2025/26 йилги мавсумнинг қолган қисмини ўтказиб юборган.

Грилишнинг «Манчестер Сити» билан шартномаси келаси йилнинг ўрталарида якунланади.

Transfermarkt портали маълумотига кўра, вингернинг бозор қиймати 20 миллион еврони ташкил этади.