«Манчестер Сити»нинг янги футболчиси Илиман Ндиайе трансфердан сўнг илк интервьюсини бериб, нима учун айнан Манчестер клубини танлаганини тушунтирди.

«Шаҳарликлар» 26 ёшли футболчини ёзги трансфер ойнасининг сўнгги кунида «Эвертон»дан сотиб олганини эълон қилди.

«Мен бундай имкониятни бутун умрим кутдим. «Сити» — дунёнинг энг яхши клубларидан бири. Болалигимдан бу жамоанинг кетма-кет совринлар ютиб келишини кузатганман. Бундай имконият ҳаётда бир марта берилади ва мен ундан максимал даражада фойдаланишга ҳаракат қиламан.

Фаолиятим доимо ҳам осон кечмаган. Аммо бир кун келиб энг катта совринлар учун курашадиган жамоада ўйнай олишимга бўлган ишончимни ҳеч қачон йўқотмаганман. Ва мана, энди мен шу ердаман. Бу ажойиб ҳис», — дея Ндиайенинг сўзларини «Манчестер Сити» расмий сайти келтирди.

Илиман Ндиайенинг «Манчестер Сити» билан шартномаси 2031 йил ёзига қадар мўлжалланган.