Мадриднинг «Атлетико» клуби «Ювентус» ҳужумчиси Жонатан Дэвидни ижарага олганини расман эълон қилди.

Испания клуби расмий сайти маълумотига кўра, канадалик футболчи жорий мавсум охирига қадар «матрасчилар» сафида тўп суради. Шунингдек, келишувга футболчини кейинчалик сотиб олиш ҳуқуқи ҳам киритилган.

Жонатан Дэвид ўтган йил ёзидан буён «Ювентус» шарафини ҳимоя қилиб келаётган эди. Ҳужумчи Турин клуби сафида барча мусобақалар доирасида 47 та ўйин ўтказиб, 8 та гол урди ва 5 та голли узатмани амалга оширди.

26 ёшли футболчининг «Ювентус» билан амалдаги шартномаси 2030 йилнинг ўрталарига қадар мўлжалланган.

Аввалроқ «Атлетико» Жонатан Дэвидни тахминан 25 миллион еврога сотиб олиш ҳуқуқига эга бўлиши ҳақида хабарлар тарқалган эди.