«Манчестер Сити» техник директори Угу Виана «Челси»дан Энцо Фернандеснинг трансфер қилиниши ҳақида фикр билдирди.

«Биз «Манчестер Сити»да доимо жаҳон даражасидаги футболчиларни таклиф қилишга интиламиз ва Энцо айнан шундай мақомга мос келади. У идеал ярим ҳимоячи: техникаси юқори, меҳнаткаш, курашчан ва самарали.

У турли услубларда ўйнай олади. Тўп назоратига асосланган футболда ўзини эркин ҳис қилади, шу билан бирга қарши ҳужумларда ҳам бирдек самарали ҳаракат қила олади.

Атиги 25 ёшида икки марта жаҳон чемпионати финалида иштирок этгани ва турли мамлакатларда йирик совринларни қўлга киритгани унинг руҳияти, профессионаллиги ва техник маҳорати ҳақида кўп нарсани айтиб турибди.

Энди у бизнинг сафимизда эканидан хурсандмиз ва унинг жамоамизни янада кучайтиришига қатъий ишонамиз», — деди Виана.