Италиялик ҳужумчи Стефан Эл-Шаарави фаолиятини Генуянинг «Женоа» клубида давом эттириши мумкин. Бу ҳақда журналист Николо Скира ижтимоий тармоқларида хабар берди.

Инсайдер маълумотига кўра, футболчи эркин агент сифатида «Женоа»га ўтишга яқин. Томонлар 2028 йилгача мўлжалланган шартнома шартларини муҳокама қилмоқда.

33 ёшли ҳужумчининг сўнгги клуби «Рома» бўлган. Ўтган ёзда футболчининг Рим клуби билан шартномаси ўз ниҳоясига етган.

Стефан ўтган мавсумда Италия чемпионатида 20 та учрашувда майдонга тушиб, 1 та гол ва 2 та голли узатма қайд этган.