«Верона» ҳимоячиси Рафиқ Белғали Италия А Сериясининг яна бир вакили — «Торино» таркибида фаолиятини давом эттиради. Бу ҳақда Турин клуби матбуот хизмати хабар берди.

Матбуотда хабар берилганидек, трансфер қиймати 7 миллион еврони ташкил этган.

24 ёшли футболчи ўтган мавсумда Италия чемпионатида 26 та учрашувда иштирок этди. У 2 та гол ва 6 та голли узатма қайд этган. А Серияга кўчиб ўтишидан олдин Белғали узоқ вақт Бельгияда тўп тепган.

Италия чемпионатининг икки туридан сўнг «Торино» турнир жадвалида 15-ўринда бормоқда ва ҳозирча очко жамғармаган.