18 ёшли бельгиялик дарвозабон Лукка Бругманс «Ливерпуль» футболчисига айланди. У 2026/2027 йилги мавсум якунига қадар Бельгиянинг «Генк» клубида ижара асосида тўп тепади. Бу ҳақда «Ливерпуль»нинг расмий сайти хабар берди.
18 ёшли футболчи «Ливерпуль» билан узоқ муддатли шартнома имзолади. Шундан сўнг у «Генк»ка қайтиб, 2026/2027 йилги мавсум охиригача Бельгия олий дивизиони вакили сафида қолади.
Бругманс «Генк»нинг ёшлар жамоаси сафида 32 та учрашув ўтказганидан сўнг асосий таркибга жалб қилинди ва 2026 йил апрель ойида дебют қилди. Дарвозабон мавсум охирига қадар асосий таркибда қолиб, чемпионатда яна 10 та учрашув ўтказди.
Бругманс янги мавсум бошида ҳам «Генк» сафида тўп тепмоқда ва жамоанинг дастлабки 4 та учрашувида асосий таркибда майдонга тушди.
