18 yoshli belgiyalik darvozabon Lukka Brugmans «Liverpul» futbolchisiga aylandi. U 2026/2027 yilgi mavsum yakuniga qadar Belgiyaning «Genk» klubida ijara asosida to‘p tepadi. Bu haqda «Liverpul»ning rasmiy sayti xabar berdi.
18 yoshli futbolchi «Liverpul» bilan uzoq muddatli shartnoma imzoladi. Shundan so‘ng u «Genk»ka qaytib, 2026/2027 yilgi mavsum oxirigacha Belgiya oliy divizioni vakili safida qoladi.
Brugmans «Genk»ning yoshlar jamoasi safida 32 ta uchrashuv o‘tkazganidan so‘ng asosiy tarkibga jalb qilindi va 2026 yil aprel oyida debyut qildi. Darvozabon mavsum oxiriga qadar asosiy tarkibda qolib, chempionatda yana 10 ta uchrashuv o‘tkazdi.
Brugmans yangi mavsum boshida ham «Genk» safida to‘p tepmoqda va jamoaning dastlabki 4 ta uchrashuvida asosiy tarkibda maydonga tushdi.
