Ярим ҳимоячи Стефан Байчетич Англиянинг «Ливерпуль» клубидан Испаниянинг «Сельта»сига доимий равишда ўтди. Бу ҳақда «Ливерпуль»нинг расмий сайти хабар берди.

Байчетич «қизиллар» сафида беш ярим йил ўтказганидан сўнг Испания клубига қайтди. У «Ливерпуль» асосий жамоаси таркибида 22 та учрашувда майдонга тушиб, 1 та гол урган.

Байчетич 2021 йил февраль ойида «Сельта»дан «Ливерпуль»га ўтган ва тез орада клуб академиясининг барча босқичларидан ўтган. 2022 йил август ойида, 17 ёшида, Юрген Клопп қўл остида «Ливерпуль» сафида дебют қилган. У «Борнмут»га қарши «Энфилд»да 9:0 ҳисобидаги ғалаба билан якунланган учрашувнинг иккинчи бўлимида захирадан майдонга тушган.

Байчетич Премьер-лигадаги илк голини ўша йилнинг Боксинг Дэй куни «Астон Вилла»га қарши (3:1) учрашувда урган. Ўша мавсумда у жами 19 та учрашувда иштирок этган.

Бироқ жароҳатлар уни кейинги мавсумда атиги 3 та учрашув билан чеклади. 2024/2025 йилги мавсумда Байчетич ижара асосида «Ред Булл Зальцбург» ва «Лас-Пальмас» сафида 33 та учрашув ўтказди. 2025/2026 йилги мавсумда эса у майдонга тушмади.

Энди 21 ёшли футболчининг «Сельта»га доимий равишда қайтиши бўйича келишувга эришилди.