«Астон Вилла»нинг 22 ёшли ярим ҳимоячиси Ламар Богард яқин вақт ичида янги шартнома таклифини олиши мумкин. Бу ҳақда журналист Фабрицио Романо хабар берди.
Манбага кўра, «Астон Вилла» нидерландиялик футболчига шартномани узайтириш бўйича таклиф тайёрламоқда. Аввалроқ Бирмингем клуби футболчини «Ипсвич» ва «Брайтон»га сотишдан бош тортган. Бунга бош мураббий Унаи Эмерининг уни жамоада сақлаб қолиш истаги сабаб бўлган.
Богард янги мавсумда 2 та учрашувда иштирок этди ва натижавий ҳаракат қайд этмади.
Ярим ҳимоячининг «Астон Вилла» билан амалдаги шартномаси 2028 йил ўртасигача амал қилади.
