Миср футбол ассоциацияси Хоссам Ҳассан бошчилигидаги мураббийлар штаби билан шартнома узайтирилганини маълум қилди. Янги келишув 2030 йилгача амал қилади.

Мутахассис терма жамоани 2024 йил февраль ойидан буён бошқариб келмоқда. Унинг қўл остида жамоа 2026 йилги Жаҳон чемпионатига йўл олди ва жаҳон чемпионати плей-оффида илк бор ғалаба қозониб, Австралияни мағлуб этган ҳолда 1/16 финалга чиқди (асосий ва қўшимча вақт — 1:1, пенальтилар серияси — 4:2).

Иккинчи босқичда мисрликлар Аргентинага 2:3 ҳисобида мағлуб бўлди. Миср терма жамоаси учрашув давомида 2:0 ҳисобида олдинда бораётган эди.