"Монако" спорт директори Тиаго Скуро Ламин Камаранинг "Челси"га амалга ошмай қолган трансфери ҳақида изоҳ берди.
Унинг тасдиқлашича, сенегаллик ярим ҳимоячи Лондон клубига ўтишни истаган. "Челси" бош мураббийи Хаби Алонсо ҳам футболчи билан шахсан суҳбатлашган.
Бироқ "Монако" якунда Камарани сотиш фикридан қайтган. Франция клуби молиявий режаларини Фоларин Балогун трансфери орқали амалга оширишни истаган ва шу сабаб "Челси" билан келишувни расмийлаштириш учун зарур бўлган ҳужжатни имзоламаган.
Скуронинг таъкидлашича, у Камара билан гаплашиб, келажакда футболчи яна йирик клубга ўтиш имкониятига эга бўлишига ишонтирган.
"Унда кечагидан ҳам яхшироқ вариантлар бўлади", — деди "Монако" раҳбари.
Аввалроқ "Ливерпуль" ҳам сенегаллик футболчини келаси йил ўз сафига қўшиш имкониятини жиддий кўриб чиқаётгани хабар қилинган эди.
Энди Камара "Монако" машғулотларига қайтади. Фоларин Балогун ҳам жамоада қолмоқда — у "Эвертон"га ўтишни рад этган.
Натижада "Монако" молиявий қоидалар билан боғлиқ муаммоларни четлаб ўтиш учун керак бўлган трансфер даромадини қўлга кирита олмади.
