Португалиялик ҳужумчи клуб тарихидаги энг қиммат трансферга айланди — «россонери» унинг учун «ПСЖ»га 75 миллион евро тўлади.
«Мен Гонсалуга кўзимни юмган ҳолда ҳам ишонч билдирган бўлардим. Жаҳон чемпионатини ёритганман ва у ерда уни бир неча марта кўрдим: у жуда кучли футболчи.
У классик марказий ҳужумчидан бошқача ўйнайди, чунки у ҳаракатчан, ҳужумларни ташкил этишда иштирок этиш учун майдон марказига чуқурроқ тушади, жамоа ўйинини яхши боғлайди. Шунингдек, шерикларига олдинга югуришлар учун ёрдам бериш мақсадида қанотларга ҳам силжиши мумкин.
У жуда кўп гол уришини чин дилдан умид қиламан», — деди Пато La Gazzetta dello Sport нашрига берган интервьюсида.
