«Астон Вилла» бош мураббийи Унаи Эмери Жаҳон чемпионатида олган тизза жароҳатидан кейин ярим ҳимоячи Йохан Манзамби шу ҳафта жамоавий машғулотларга қайтишини маълум қилди. 22 ёшли футболчи ёзда «Фрайбург»дан 52 миллион фунт эвазига трансфер қилинган ва бир неча ойдан буён тикланиш жараёнида эди.
«Манзамби билан эҳтиёткор бўлишимиз керак. У жароҳат олди ва биз унинг қайтиши хатарсиз, босқичма-босқич ва тўлиқ бўлишини хоҳлаймиз. У фаол ишламоқда ва шу ҳафта жамоа билан машғулотларни бошлайди», деди Эмери.
Манзамби шанба куни «Халл Сити»га қарши ўйинга қадар оптимал формага киришга улгурадими-йўқми, ҳозирча номаълум. Шунингдек, учрашувда Ибрагим Мбайе ва Тейлор Харвуд-Беллис ҳам дебют қилиши мумкин.
