Энцо Фернандес Энцо Мареска билан ишлаш ҳақида фикр билдирди.

«Ростини айтсам, у топ-даражадаги мураббий. У аввалги клубимда мен билан ишлаган. Биз бирга ажойиб лаҳзаларни бошдан кечирдик, мен ундан кўп нарса ўргандим.

У лотин америкаликларга жуда ўхшайди, ўз ишига жуда берилган. У билан ишлашдан завқ оламан.

Шунингдек, бу ерга ўтишимда муҳим роль ўйнагани учун ундан миннатдорман. У билан яна бирга ишлаш мен учун катта мамнуният. Ростини айтсам, иккимиз ҳам бу трансфер амалга ошишини жуда хоҳлагандик. Бу ерга келиш мен учун осон бўлмади», — деди аргентиналик футболчи.