Ҳимоячи Жованни Ди Лоренцо «Наполи» билан шартномасини узайтирди. Бу ҳақда Италия клуби матбуот хизмати хабар берди.

33 ёшли футболчининг янги шартномаси 2030 йилгача мўлжалланган.

Ди Лоренцо ўтган мавсум неаполликлар сафида 35 та ўйинда майдонга тушиб, 2 та гол урди. Февраль ойида ҳимоячи тиззасидаги хочсимон пайни узиб олган эди. У май ойида майдонга қайтди.

Ди Лоренцо 2019 йил ёзидан буён «Наполи» шарафини ҳимоя қилиб келмоқда. У жамоа билан икки марта Италия чемпиони бўлган, шунингдек, мамлакат Кубоги ва Суперкубогини ҳам қўлга киритган.