«Бенфика» расмий сайти «Манчестер Сити» ярим ҳимоячиси Клаудио Эчеверрини ижара асосида ўз сафига қўшиб олганини эълон қилди.

20 ёшли аргентиналик футболчи Португалия клубида 30-рақам остида тўп суради. Ижара шартномасида футболчини кейинчалик сотиб олиш ҳуқуқи ҳам кўзда тутилган.

«Идеал йил — жамоа олдига қўйилган барча мақсадларга эришиладиган йил. Бу клуб муносиб бўлган совринларни қўлга киритишни истаймиз», — деди Эчеверри клуб матбуот хизматига берган интервьюсида.

Эчеверри ўтган мавсумнинг иккинчи ярмини «Жирона»да ижара асосида ўтказган. У Испания клуби сафида 17 та учрашувда майдонга тушиб, 1 та гол урди ва 1 та голли узатмани амалга оширди.