«Аякс» расмий сайти «Сандерленд» ҳужумчиси Симон Адинграни ижара асосида ўз сафига қўшиб олганини эълон қилди.
Келишув бир мавсумга мўлжалланган бўлиб, шартномада футболчини кейинчалик сотиб олиш ҳуқуқи ҳам кўзда тутилган.
«Симон жамоамизга тезлик, ҳужумда чуқурлик ва кучли характер олиб келади. Биз айнан шундай хусусиятларга эга футболчини излаётган эдик. Унинг сифатлари ўйинимизни дарҳол янада кескин ва хавфли қилиши мумкин. Шу боис, у «Аякс»ни танлагани ва режамизга ишонч билдирганидан мамнунмиз», — деди Амстердам клуби спорт директори Йорди Кройф.
24 ёшли Кот-д’Ивуарлик футболчи ўтган мавсумни ижара асосида «Монако» сафида ўтказди. У 17 та учрашувда майдонга тушиб, 3 та гол урди ва 2 та голли узатмани амалга оширди.
Адингра 2026 йилги жаҳон чемпионатида ҳам иштирок этган ва мусобақа доирасида битта ўйинда майдонга тушган.
