«Ayaks» rasmiy sayti «Sanderlend» hujumchisi Simon Adingrani ijara asosida o‘z safiga qo‘shib olganini e’lon qildi.

Kelishuv bir mavsumga mo‘ljallangan bo‘lib, shartnomada futbolchini keyinchalik sotib olish huquqi ham ko‘zda tutilgan.

«Simon jamoamizga tezlik, hujumda chuqurlik va kuchli xarakter olib keladi. Biz aynan shunday xususiyatlarga ega futbolchini izlayotgan edik. Uning sifatlari o‘yinimizni darhol yanada keskin va xavfli qilishi mumkin. Shu bois, u «Ayaks»ni tanlagani va rejamizga ishonch bildirganidan mamnunmiz», — dedi Amsterdam klubi sport direktori Yordi Kroyf.

24 yoshli Kot-d’Ivuarlik futbolchi o‘tgan mavsumni ijara asosida «Monako» safida o‘tkazdi. U 17 ta uchrashuvda maydonga tushib, 3 ta gol urdi va 2 ta golli uzatmani amalga oshirdi.

Adingra 2026 yilgi jahon chempionatida ham ishtirok etgan va musobaqa doirasida bitta o‘yinda maydonga tushgan.