«Трабзонспор» расмий сайти «Мидтьюлланн» ҳужумчиси Франкулино Глуду Жуни трансфер қилганини эълон қилди.

22 ёшли африкалик футболчи билан 4 йиллик шартнома имзоланди. Келишувда уни яна бир мавсумга узайтириш имконияти ҳам мавжуд.

NTV маълумотига кўра, трансфер қиймати бонусларсиз 17 миллион еврони ташкил этган. Туркия клуби ушбу суммани 5 йил давомида 8 та тўлов орқали амалга оширади. Шунингдек, «Мидтьюлланн» футболчи келажакда қайта сотилса, трансфер суммасининг 15 фоизини олади.

Франкулинонинг йиллик маоши 2 миллион 125 минг еврони ташкил этади.

Жорий мавсумда ҳужумчи барча мусобақалар доирасида 10 та ўйинда майдонга тушиб, 3 та гол урди ва 2 та голли узатмани амалга оширди.