«Trabzonspor» rasmiy sayti «Midtyullann» hujumchisi Frankulino Gludu Juni transfer qilganini e’lon qildi.

22 yoshli afrikalik futbolchi bilan 4 yillik shartnoma imzolandi. Kelishuvda uni yana bir mavsumga uzaytirish imkoniyati ham mavjud.

NTV ma’lumotiga ko‘ra, transfer qiymati bonuslarsiz 17 million yevroni tashkil etgan. Turkiya klubi ushbu summani 5 yil davomida 8 ta to‘lov orqali amalga oshiradi. Shuningdek, «Midtyullann» futbolchi kelajakda qayta sotilsa, transfer summasining 15 foizini oladi.

Frankulinoning yillik maoshi 2 million 125 ming yevroni tashkil etadi.

Joriy mavsumda hujumchi barcha musobaqalar doirasida 10 ta o‘yinda maydonga tushib, 3 ta gol urdi va 2 ta golli uzatmani amalga oshirdi.