Англия терма жамоасининг собиқ сардори Рио Фердинанд «Арсенал»нинг Христос Цолис трансферини юқори баҳолади. Грециялик вингер Лондон клубига «Брюгге»дан келиб қўшилган.
«Трансфер ойнасининг энг яхши янги футболчиси ким? Мен кўрганларим орасида Цолисни танлаган бўлардим. «Арсенал» 35 миллион фунт эвазига ажойиб вингерни қўлга киритди.
У техникаси кучли, майдонни яхши кўради ва ҳужумда тўғри қарорлар қабул қилади. Менимча, клуб трансфер бозорида жуда яхши ишлади. Нарх ва сифат нуқтаи назаридан бу мавсумнинг энг яхши трансферларидан бири», — деди Фердинанд ўзининг «Rio Ferdinand Presents» YouTube-каналида.
6 сентябрь куни «Арсенал» Англия Премьер-лигасининг учинчи турида «Челси»га қарши майдонга тушади.
Ҳозирча ҳар икки клуб 6 тадан очко тўплаган ва етакчилар гуруҳида бормоқда. «Манчестер Сити» ҳамда «Халл Сити» ҳисобида ҳам 6 тадан очко бор.
