«Ал-Ҳилол» ҳужумчиси Олли Уоткинс Саудия Арабистони чемпионатида «Ал-Аҳли»га қарши 3:0 ҳисобидаги ғалабали ўйинда янги жамоаси сафидаги илк голини урганидан кейин фикр билдирди.
«Бугун бу ерда кўрган ўйин даражам, ростини айтсам, Премьер-лига савиясига мос. Учрашув жисмоний жиҳатдан жуда шиддатли ва қийин ўтди, футбол даражаси эса ниҳоятда юқори эди.
«Ал-Ҳилол»дан таклиф тушган заҳотиёқ ўтишга қарор қилдим. Клублар ўртасидаги жаҳон чемпионатини томоша қилганман ва улар қанчалик яхши ўйнаганини кўргандим. Мен доим чемпионатда ким етакчилик қилаётганига эътибор бераман, «Ал-Ҳилол» эса ҳамиша пешқадамлар қаторида бўлади.
Мен шу ерда бўлишни хоҳлайман. Совринлар ютишни истайман ва менимча, бу жамоа бу мақсадга эришиш учун менга энг яхши имкониятни беради.
Ҳар бир ўйинда гол уришни хоҳлайман. Менда кўплаб вазиятлар бўлади. Рубен Невеш ва Сергей Милинкович-Савич жуда ақлли футболчилар, мендан эса тўғри пайтда олдинга чиқиш талаб қилинади.
Ҳозирча спорт формам энг яхши ҳолатда эмас, чунки бор-йўғи бир неча кун машғулот ўтказдим. Аммо ўйин ритмига кириб олганимдан кейин ҳаммаси яхши бўлади», — деди «Астон Вилла»нинг собиқ ҳужумчиси.
