Бугун Ўзбекистон Суперлигасининг 20-тур учрашувларига старт берилади.

Турнинг илк баҳси 3 сентябрь куни Олмалиқда ОКМК ва «Хоразм» жамоалари ўртасида бўлиб ўтади. Учрашув соат 19:00 да бошланади.

4 сентябрь куни яна тўртта ўйин ўтказилади. «Бунёдкор» «Сурхон»ни қабул қилади, «Навбаҳор» «Локомотив» билан баҳслашади. Шунингдек, турнинг марказий учрашувларидан бирида «Насаф» амалдаги пешқадам «Нефтчи»га қарши майдонга тушади. «Пахтакор» эса «Андижон»ни қабул қилади.

20-тур 5 сентябрь куни учта учрашув билан якунланади. «Сўғдиёна» — «Машъал», «Қўқон-1912» — «Динамо» ва «Қизилқум» — «Бухоро» баҳслари ўтказилади.

20-тур тақвими:

3 сентябрь:
ОКМК — «Хоразм» — 19:00.

4 сентябрь:
«Бунёдкор» — «Сурхон» — 18:00;
«Навбаҳор» — «Локомотив» — 19:00;
«Насаф» — «Нефтчи» — 19:00;
«Пахтакор» — «Андижон» — 20:15.

5 сентябрь:
«Сўғдиёна» — «Машъал» — 18:00;
«Қўқон-1912» — «Динамо» — 18:00;
«Қизилқум» — «Бухоро» — 20:15.

19 турдан кейин «Нефтчи» 45 очко билан турнир жадвалида пешқадамлик қилмоқда. «Пахтакор» 40 очко билан иккинчи, «Навбаҳор» эса 37 очко билан учинчи ўринда бормоқда.

Кейинги ўринларни «Бухоро» — 34, «Локомотив» — 31 ва ОКМК — 29 очко билан эгаллаб турибди. Шу боис 20-тур чемпионлик ва юқори ўринлар учун курашда муҳим аҳамият касб этади.