Англиянинг «Тоттенхэм Хотспур» клуби спорт директори Йохан Ланге «Челси»дан ижара асосида келган ярим ҳимоячи Михаил Мудрикнинг трансфери ҳақида фикр билдирди.
«Михаилни клубимизда қарши олишдан жуда хурсандмиз. Унда жамоамизга сезиларли фойда келтириш имконини берадиган сифатлар бор, деб ҳисоблаймиз. Энди унинг бизнинг муҳитимизда қандай ривожланишини катта қизиқиш билан кутамиз.
Михаилнинг бу янги чақирувни қабул қилишдаги амбицияси ва қатъияти менда катта таассурот қолдирди. У муваффақиятга эришиш ва ўз устида ишлашга жуда кучли иштиёққа эга. Бу эса биз шакллантираётган клуб маданиятига жуда мос келади.
Михаилга янги муҳитга мослашиш жараёнида тўлиқ ёрдам берамиз. У Роберто Де Дзерби, мураббийлар штабимиз ҳамда янги жамоадошлари билан ишлайди. Биз унинг фаолиятидаги навбатдаги босқични катта қизиқиш билан кутмоқдамиз», — дея Лангенинг сўзларини клуб расмий сайти келтирди.
