«Реал» ҳимоячиси Рауль Асенсио вояга етмаган шахс иштирокидаги интим характердаги видеони тарқатиш иши бўйича оқланди.
COPE хабар беришича, бугунги суд мажлисида эҳтимолий жабрланувчиларнинг ҳар иккиси ҳам Асенсио ва ишнинг бошқа фигурантлари — ўша вақтда «Реал» академиясида бўлган Ферран Руис, Хуан Родригес ва Андрес Гарсияга нисбатан даъволари йўқлигини тасдиқлаган.
Суд Асенсиога нисбатан ушбу иш бўйича барча айбловларни бекор қилди. Қолган уч нафар айбланувчи эса розиликсиз интим характердаги видеони тарқатиш айблови бўйича оқланди. Бироқ вояга етмаган шахс иштирокидаги интим видеони тарқатиш бўйича айбловлар ўз кучида қолди, чунки бундай жиноят жабрланувчилар билан ярашув орқали ҳал қилиниши мумкин эмас.
