«Манчестер Юнайтед» бош мураббийи Майкл Кэррик жамоа машғулотларида футболчи сифатида иштирок этадими, деган саволга жавоб берди.

«Йўқ. Ростини айтсам, ўйинни соғинмаяпман ва машғулотларда иштирок этишга унчалик хоҳишим ҳам йўқ. Ўйлайманки, аввал баъзида буни қилишимга тўғри келарди. Ҳозир эса унчалик кўп эмас.

Жуда кўп вақт ўтди. Энди фаолиятимнинг биринчи ёки иккинчи йилидагидек буни ўзимга раво кўра олмайман.

Менимча, олдинга ҳаракат қилиш ва ўз ролимни бажариш керак. Йигитлар менинг бекор юриб, аралашишга уриниб: “Болалар, биз аввал шундай ўйнардик, мана бундай қилиш керак”, деб айтишимни хоҳламайди. Бу иш бермайди, деб ўйлайман.

Ҳозирги ролим қаерда эканини биламан ва у аввалгисидан анча фарқ қилади. Бу ҳолат менга тўлиқ мос келади», — деди Кэррик.