«Реал» бош мураббийи Жозе Моуриньо Ла Лигадаги рақобат бошқа Европа чемпионатларига қараганда юқори эканини таъкидлади.
Эртага «Реал» Испания чемпионатининг 4-тури доирасида сафарда «Бетис»га қарши ўйнайди.
«“Атлетико” жиддий рақобатчи бўлади. Шубҳасиз, улар бунга қодир эканликларига ишонишади ва буни ҳис қилишади. Бир хил мураббий ва менталитет билан барқарорликни сақлаш футболда катта куч ҳисобланади. Бундан ташқари, “Бетис” ва “Вильярреал” каби кучли жамоалар бор, улар Чемпионлар лигасида ўйнайди ва эртага бунга ўзимиз амин бўламиз. Баск жамоалари ҳам жуда кучли.
Менимча, бу энг осон чемпионат эмас. Бу ерда бошқа лигаларда мавжуд бўлмаган босим сезилади, яъни доимо ғалаба қозониш талаби бор. Германия ёки Францияда ҳар йили хотиржамлик билан чемпион бўлишингиз мумкин. Бу ерда эса ғалабадан бошқа ҳар қандай натижа яхши деб ҳисобланмайди», — деди Моуриньо.
