«Real» bosh murabbiyi Joze Mourinyo La Ligadagi raqobat boshqa Yevropa chempionatlariga qaraganda yuqori ekanini ta’kidladi.

Ertaga «Real» Ispaniya chempionatining 4-turi doirasida safarda «Betis»ga qarshi o‘ynaydi.

«“Atletiko” jiddiy raqobatchi bo‘ladi. Shubhasiz, ular bunga qodir ekanliklariga ishonishadi va buni his qilishadi. Bir xil murabbiy va mentalitet bilan barqarorlikni saqlash futbolda katta kuch hisoblanadi. Bundan tashqari, “Betis” va “Vilyarreal” kabi kuchli jamoalar bor, ular Chempionlar ligasida o‘ynaydi va ertaga bunga o‘zimiz amin bo‘lamiz. Bask jamoalari ham juda kuchli.

Menimcha, bu eng oson chempionat emas. Bu yerda boshqa ligalarda mavjud bo‘lmagan bosim seziladi, ya’ni doimo g‘alaba qozonish talabi bor. Germaniya yoki Fransiyada har yili xotirjamlik bilan chempion bo‘lishingiz mumkin. Bu yerda esa g‘alabadan boshqa har qanday natija yaxshi deb hisoblanmaydi», — dedi Mourinyo.