УЕФА «Фенербахче» ҳужумчиси Мэйсон Гринвудга нисбатан Чемпионлар лигасининг плей-офф босқичи доирасида «Лион»га қарши жавоб ўйинида юз берган воқеалардан сўнг интизомий иш очди. Бу ҳақда Daily Star хабар берди.
Интизомий иш ярим ҳимоячи Маттео Гендузи ва «Фенербахче» клубига нисбатан ҳам бошланган. Францияда ўтказилган учрашувда туркияликлар 2:1 ҳисобида ғалаба қозонганидан сўнг стадионда оммавий тўқнашувлар содир бўлди.
Гринвуд якуний ҳакам ҳуштаги чалинишидан сўнг юзага келган можаронинг марказида бўлди. Шу пайтда «Лион»нинг бир нечта мухлиси «Фенербахче» футболчиларининг байрамини нишонлаши вақтида майдонга тушишга уринди.
Гендузи эса француз клуби мухлисларини провокация қилишда айбланмоқда. Можаро стадионнинг трибунаости қисмида ҳам давом этган ва унга ҳар икки жамоа вакиллари аралашган.
Гринвуд июль ойида «Марсель»дан «Фенербахче»га ўтиб, туркияликлар билан тўрт йиллик шартнома имзолаган эди.
