Расмус Хёйлунд ўтган ёзда «Милан»га ўтишга яқин бўлгани ҳақидаги хабарларни рад этди. Даниялик ҳужумчи «Милан» раҳбарияти билан гаплашганини ва янги жамоа излаганини тан олди. Бироқ футболчининг айтишича, у «Милан»га ўтишга жиддий яқинлашмаган.

«Миланга яқин эдимми? Унчалик эмас. Клуб билан гаплашдим ва янги имконият изладим», — деди Хёйлунд Gazzetta dello Sport нашрига.

У «Милан»нинг бой тарихини юқори баҳолашини, аммо «Наполи» унга қизиқиш билдириб, бош мураббий Антонио Конте шахсан қўнғироқ қилганидан сўнг қарор қабул қилишда иккиланмаганини таъкидлади. Натижада Хёйлунд «Милан» ўрнига «Наполи»га ижара асосида ўтди ва бу йил унинг трансфери доимий равишда расмийлаштирилди.